بارش: نکاسیِ آب دا نظام موثر رہیا

بارش: ریکارڈ بارش دے باوجود پورے پنجاب وِچ نکاسیِ آب دا عمل تیزی نال جاری رہیا، مریم اورنگزیب

لاہور (این این آئی) پنجاب دی سینئر وزیر مریم اورنگزیب نے آکھیا اے کہ ریکارڈ بارش دے باوجود پورے پنجاب وِچ مشینری متحرک رہی تے نکاسیِ آب دا عمل تیزی نال جاری رہیا۔

ایس وقت ریکارڈ بارش ہو رہی اے تے ریکارڈ کم بھی کیتا جا رہا اے، پنجاب دے 41 اضلاع وِچ مشینری موجود اے تے تمام متعلقہ ادارے مکمل طور تے متحرک نیں۔ اک انٹرویو وِچ ایہناں نے آکھیا کہ منگل والے دہاڑے گوجرانوالہ وِچ ریکارڈ بارش ہوئی، تاہم بروقت نکاسیِ آب نوں یقینی بنایا گیا، سیف سٹی دے ذریعے صورتحال دی مسلسل نگرانی کیتی جا رہی اے جبکہ وزیراعلیٰ پنجاب خود بھی تمام انتظامات دی مانیٹرنگ کر رہی نیں۔

مریم اورنگزیب نے آکھیا کہ ماضی وِچ کئی کئی ہفتے پانی کھلوتا رہندا سی، پر ہن ایہوجہا نہیں اے، لاہور ہائیکورٹ تے لکشمی چوک ورگے اہم تھاواں نوں بھی فوری طور تے کلیئر کر دتا گیا۔