5 اگست توں نویں تے بھرپور تحریک دا آغاز
5 اگست توں بانی پی ٹی آئی دی رہائی لئی نویں تے بھرپور تحریک دا آغاز: شفیع جان
پشاور (مانیٹرنگ ڈیسک) وزیرِ اطلاعات خیبرپختونخوا شفیع جان نے آکھیا اے کہ بانی پی ٹی آئی دی گرفتاری نوں 3 سال مکمل ہون تے 5 اگست توں ایہناں دی رہائی لئی اک نویں تے بھرپور تحریک دا آغاز کیتا جا رہا اے۔
ایس نویں تحریک نوں کامیاب بناؤن لئی تمام حکومت مخالف اپوزیشن جماعتاں تے ہم خیال سیاسی قوّتاں نال باقاعدہ رابطہ تے گل بات کیتی جائے گی۔ میڈیا نال گفتگو وِچ اڈیالہ جیل دے باہر پی ٹی آئی کارکناں دی عدم موجودگی تے احتجاجی پالیسی تے وضاحت کردے ہوئے شفیع جان نے بتایا کہ دو ہفتے پہلے علیمہ خانم نے خود واضح کر دتا سی کہ ہن اڈیالہ جیل دے باہر صرف بانی پی ٹی آئی دیاں بھیناں آؤن گیاں، ایس توں بعد کارکن اڈیالہ جیل دے باہر جمع نہیں ہو رہے نیں۔ نورین نیازی دے بیان تے صوبائی وزیرِ اطلاعات نے آکھیا کہ اوہ بیان ایہناں دا ذاتی خیال تے موقف سی۔
