کوہِ سلیمان: معاویہ چکرانی گینگ دے 11 بندے سرنڈر (ہتھیار سٹ) کر گئے
یارو کھوسہ (نامہ نگار) کوہِ سلیمان وچ امن و امان قائم ہوݨ ول وڈی پیش رفت ہوئی اے، جتھے اشتہاری لادی گینگ دے دوجے گروپ معاویہ چکرانی گینگ دے 11 بندیاں نے آپوں (رضاکارانہ طور اُتے) قانون نافذ کرن والے اداریاں اگے ہتھیار سٹ دِتے۔
تھانہ کوٹ مبارک وچ تقریب ہوئی جیہدے وچ ڈپٹی کمشنر ڈیرہ غازی خان محمد عثمان خالد، ڈسٹرکٹ پولیس آفیسر صادق بلوچ تے کمانڈنٹ بارڈر ملٹری پولیس امیر تیمور دی موجودگی وچ گینگ دے ارکان نے بھاری ہتھیار جمع کروائے۔ ہتھیار سٹݨ والیاں وچ معاویہ ولد میر محمد، محمد قاسم، شہزاد، بلال، محمد یوسف، محمد یعقوب، محمد موسیٰ، غلام مصطفیٰ، محمد یونس، محمد ہارون تے محمد رمضان شامل ہن۔ پولیس مطابق ایہہ بندے قتل، اقدامِ قتل، ڈکیتی، رہزنی تے اغوا برائے تاوان سمیت بھارے مقدمیاں وچ مطلوب سن۔
ڈپٹی کمشنر محمد عثمان خالد نے آکھیا کہ ہتھیار سٹݨ والے بندے عدالتاں وچ چلݨ والے مقدمیاں دا ساہمنا کرن گے، جَد کہ حکومت ایہناں نوں قانون دے دائرے وچ رہندیاں قومی دھارے وچ شامل کرن لئی مدد فراہم کرے گی۔ ڈی پی او صادق بلوچ تے کمانڈنٹ بی ایم پی امیر تیمور نے آکھیا کہ علاقے وچ امن قائم کرن تے جرائم دے خاتمے لئی کارروائیاں بغیر کسے وِتھرے (بلاامتیاز) جاری رکھیاں جاݨ گیاں۔
