منی لانڈرنگ سنگین خطرہ، ادارہ جاتی تعاون ناگزیر: چیئرمین نیب
نیب انسدادِ بدعنوانی دی کوشساں وچ افسران دے نال کھلوتا اے، تقریب نال خطاب، قانون دی حکمرانی برقرار رکھن وچ عدلیہ دا کردار انتہائی اہم اے: جسٹس اعظم خان
اسلام آباد (اے پی پی) چیئرمین قومی احتساب بیورو (نیب) لیفٹیننٹ جنرل (ر) نذیر احمد نے کہیا اے کہ منی لانڈرنگ ملکی معیشت دے استحکام تے عوامی جوابدہی لئی سنگین خطرہ اے جس نال موثر انداز وچ نمٹن لئی ادارہ جاتی تعاون ناگزیر اے۔ وہ پاکستان اینٹی کرپشن اکیڈمی (پاکا) دے زیرِ اہتمام اسلام آباد ضلعی عدلیہ دے ججاں لئی منی لانڈرنگ دے مقدمیاں دی تفتیش، قانونی چارہ جوئی دے طریقہ کار تے عالمی فریم ورک دے موضوع تے چوتھی ایک روزہ تعارفی نشست نال خطاب کر رہے سن۔ اسلام آباد ہائی کورٹ دے جسٹس اعظم خان نے اختتامی تقریب نال بطور مہمانِ خصوصی خطاب کردے ہوئے کہیا پیچیدہ مالیاتی ثبوتاں دا موثر جائزہ لین تے قانون دی حکمرانی برقرار رکھن وچ عدلیہ دا کردار انتہائی اہم اے۔
تقریب نال ڈپٹی چیئرمین نیب ناصر سہیل، ڈائریکٹر جنرل نیب محمد طاہر تے نور السحر نے بھی خطاب کیتا۔ ڈائریکٹر جنرل پاکا غلام صفدر شاہ نے کہیا پاکستان اینٹی کرپشن اکیڈمی انسدادِ بدعنوانی دے شعبے وچ ایک سینٹر آف ایکسی لینس دے طور تے اپنا کردار مسلسل مضبوط بنا رہی اے۔ تقریب دے اختتام تے شریک ججاں وچ اسناد تقسیم کیتیاں گئیاں۔ علاوہ ازیں چیئرمین نیب لیفٹیننٹ جنرل (ر) نذیر احمد نے نیب ہیڈکوارٹرز وچ سندھ دی صوبائی سول سروس دے تیجے سینئر مینجمنٹ کورس دے شرکا نال خطاب کردے ہوئے کہیا بددیانتی تے بدعنوانی نوں ہر سطح تے مسترد کیتا جاوے تے سرکاری اثاثیاں دے تحفظ نوں یقینی بنایا جاوے، نیب ملک وچ انسدادِ بدعنوانی دی کوشساں وچ تعاون کرن والے افسران دے نال کھلوتا اے۔ قبل ازیں ڈائریکٹر جنرل آپریشنز امجد مجید اولکھ نے ادارے دی مجموعی کارکردگی دے حوالے نال دسیایا کہ نیب نے گزشتہ تن ورھیاں دے دوران 14.485 ٹریلین روپے جو تقریباً 51.73 ارب امریکی ڈالر دے برابر ہن، دی غیر معمولی ریکوریاں کیتیاں ہن۔
