ضم قبائلی اضلاع، پاٹا لئی وفاقی ٹیکس چھوٹ بحال کیتی جاوے، گورنر پختونخوا دا وزیراعظم نوں خط
اسلام آباد (سٹاف رپورٹر) گورنر خیبر پختونخوا فیصل کریم کنڈی نے وزیراعظم شہباز شریف دے ناں ایک خط لکھیا اے جس وچ گورنر نے وزیراعظم توں ضم شدہ اضلاع تے پاٹا لئی وفاقی ٹیکس چھوٹ بحال کرن دی درخواست کیتی تے کہیا کہ ضم قبائلی اضلاع تے پاٹا لئی وفاقی ٹیکس چھوٹ وچ ودھا کیتا جاوے۔
گورنر کنڈی نے کہیا کہ وفاقی ٹیکس چھوٹ بحال کرکے انضمام دے ویلے کیتے گئے وعدیاں دی پاسداری کیتی جاوے، قبائلی اضلاع تے پاٹا وچ انکم ٹیکس، سیلز ٹیکس تے دوجے وفاقی ٹیکساں دے نفاذ تے نظرثانی کیتی جاوے۔ صوبائی حکومت نے ضم شدہ اضلاع تے پاٹا دے سارے صوبائی ٹیکس ختم کر دتے نے، وفاقی ٹیکساں دے خاتمے توں بغیر قبائلی لوکاں نوں مکمل ٹیکس ریلیف نہیں مل سکدا۔ گورنر خیبر پختونخوا نے لکھیا کہ وفاقی تے صوبائی الحاق نال رل کے ایک سانجھی کمیٹی بنائی جاوے جیہڑی قبائلی اضلاع دی معاشی حالت دا جائزہ لوے۔ گورنر نے کہیا کہ ٹیکس ریلیف نال ضم شدہ اضلاع دی سماجی و معاشی ترقی تے قومی دھارے وچ رلن دا کم تکڑا تے تیز ہووے گا۔
