پاکستان تے چین دا سمندری رابطیاں تے ریلوے تعاون نوں ودھاؤن تے اتفاق
وفاقی وزیر جنید انوار دی چینی کمپنی دے نائب صدر لی لی نال ملاقات، دورہ پاکستان دی سدا (دعوت)
اسلام آباد (اے پی پی) پاکستان تے چین نے سمندری رابطیاں تے ریلوے تعاون نوں ودھاؤن تے اتفاق کیتا اے، وفاقی وزیرِ بحری امور جنید انوار چودھری نے دورۂ چین دے دوران بیجنگ وچ چائنا ریلوے الیکٹریفکیشن انجینئرنگ گروپ کمپنی دے نائب صدر لی لی نال ملاقات کیتی جس وچ ریلوے الیکٹریفکیشن، بندرگاہواں نوں ریلوے نیٹ ورک نال جوڑن، لاجسٹکس انفراسٹرکچر، سمارٹ ٹرانسپورٹ سسٹمز تے سی پیک دے تحت علاقائی واپار (تجارت) نوں ودھاؤن نال متعلق وکھ وکھ منصوبیاں تے تعاون دے امکانات دا جائزہ لیا گیا۔
وفاقی وزیر نے کہیا کہ حکومت بندرگاہواں نوں نواں تے جدید بناؤن، پائیدار انفراسٹرکچر تے بین الاقوامی سرمایہ کاری نوں ودھاؤن لئی پرعزم اے۔ دوہاں دھرں نے ریلوے، پورٹ لاجسٹکس تے سمارٹ ٹرانسپورٹ دے ترجیحی منصوبیاں تے ادارہ جاتی تعاون نوں ہور تکڑا کرن تے اتفاق کیتا۔ وفاقی وزیر نے لی لی نوں پاکستان دے دورے دی سدا دتی جس نوں اوہناں نے قبول کردیاں تعاون دے دائرہ کار نوں ہور ودھاؤن دی خواہش ظاہر کیتی۔
