سکیورٹی فورسز تے قانون نافذ کرن والے ادارے عوام دی بھرپور حمایت نال بلوچستان وچ پائیدار امن لے کے آؤن گے، فیلڈ مارشل۔
فیلڈ مارشل عاصم منیر نے کہیا ہے کہ سکیورٹی فورسز تے قانون نافذ کرن والے ادارے عوام دی بھرپور حمایت نال بلوچستان وچ پائیدار امن لے کے آؤن گے۔
آئی ایس پی آر دے مطابق 20 ویں نیشنل ورکشاپ بلوچستان دے شرکاء دی جی ایچ کیو آمد ہوئی جِتھے فیلڈ مارشل نے ملک دے آؤندے ویلے دی سمت طے کرن لئی قومی اتحاد تے ثابت قدمی دی لوڑ تے زور دتا۔
آئی ایس پی آر دے مطابق شرکاء نال خطاب کردے ہوئے فیلڈ مارشل عاصم منیر نے کہیا کہ بلوچستان پاکستان دا ماݨ ہے، ایہ صوبہ بے پناہ قدرتی وسائلاں نال مالا مال ہے، بلوچستان دے متحرک، باہمت، ثابت قدم تے محبِ وطن لوک ای ایہدی سب توں وڈی طاقت نیں۔
آرمی چیف نے کہیا کہ بلوچستان بے پناہ قدرتی وسائلاں نال بھرپور ہے، اتھوں دے محب وطن، باصلاحیت تے باہمت لوک ای ایہدا سب توں وڈا سرمایہ نیں، وفاقی تے صوبائی حکومتاں دے جاری ترقیاتی منصوبیاں دا مقصد بلوچستان دے سماجی و معاشی منظرنامے نوں بدلنا ہے۔
آئی ایس پی آر دے مطابق آرمی چیف نے کہیا کہ سکیورٹی فورسز تے قانون نافذ کرن والے اداریاں دیاں مسلسل کوشِشاں عوام دی بھرپور حمایت نال بلوچستان وچ پائیدار امن لے کے آؤن گیئاں۔
