تیزی نال ودھدی آبادی ملک لئی سب توں وڈا چیلنج ہے: وزیراعظم

اسلام آباد: وزیراعظم شہباز شریف نے تیزی نال ودھدی آبادی نوں ملک لئی چیلنج قرار دے دتا۔

وزیراعظم شہباز شریف دی زیر صدارت ملک وچ بہبودِ آبادی دے حوالے نال جائزہ اجلاس ہویا جیہدے وچ وزیراعظم نے نیشنل پاپولیشن کونسل دا اجلاس چھتی توں چھتی بلان دی ہدایت کیتی۔

شہباز شریف نے کہیا کہ تیزی نال ودھدی ہوئی آبادی ملک لئی سب توں وڈا چیلنج ہے، آبادی تے قابو پاؤن لئی ترلے تے بہبودِ آبادی نوں قومی فریضہ سمجھیا جانا چاہیدا ہے۔

وزیراعظم دا کہنا سی کہ آبادی وچ توازن ای پائیدار قومی ترقی دی ضمانت ہے، آبادی دی منصوبہ بندی نوں قومی ترقی تے معاشی استحکام نال ہم آہنگ کرن دی لوڑ ہے، بہبودِ آبادی دے ترلیاں متعلق صوبیاں نال رابطے تے ہم آہنگی ہور بہتر بنائی جاوے، ودھدی ہوئی آبادی تے قابو پاؤن لئی مؤثر عوامی سوجھی مہم دا اہم کردار ہے۔