“حکومت گل بات (مذاکرات) لئی عمران خان تے قيادت نال رابطہ کرے: علی محمد خان”

“محمود خان اچکزئی نوں گل بات (مذاکرات) دی پیشکش اِک مہینا پہلاں قبول کرنی چاہی دی سی: رہنما پی ٹی آئی

احتجاج نوں صرف جلسے تک محدود نہیں رکھ سکدے، پورے دیس وچ پرامن تے اثر دار ہونا چاہی دا اے

اسلام آباد (مانیٹرنگ ڈیسک): تحریکِ انصاف دے رہنما علی محمد خان نے منگ کیتی اے کہ حکومت گل بات لئی عمران خان تے پارٹی دی سینئر قيادت نال رابطہ کرے۔ اپنے بیان وچ اوہناں نے آکھیا کہ ‘عمران خان خلاف مقدمے سیاسی نیں جنہاں دا حل بھی سیاسی اے، حکومت مذاکرات دی گل کردی اے پر گل اگاں نہیں ودھدی، سیاست چلدی رہے گی پر انسانیت ‘تے کمپرومائز نہیں ہونا چاہی دا۔’

پی ٹی آئی قيادت نوں مشورہ دتا اے کہ احتجاج نوں صرف جلسے تک محدود نہیں رکھ سکدے، احتجاج کشمیر تے گلگت بلتستان سمیت پورے دیس وچ پرامن تے پراثر ہونا چاہی دا اے۔ علی محمد خان نے دسیا کہ ‘میں پارٹی نوں مشورہ دتا سی کہ کشمیر الیکشن دا بائیکاٹ نہ کرن، گل بات دا کوئی موقع ضائع نہیں کرنا چاہی دا۔ محمود خان اچکزئی تے راجہ ناصر عباس حکومت نوں جواب نہ دین دا موقع نہ دین، حکومت نوں جواب ضرور دین تاکہ دُدھ دا دُدھ تے پانی دا پانی ہووے، محمود اچکزئی نوں مذاکرات دی پیشکش اِک مہینا پہلاں قبول کرنی چاہی دی سی۔'”