وزیراعظم تے سپیکر ولوں جماعت اسلامی دے سیکرٹری جنرل امیر العظیم دے انتقال تے تعزیت دا اظہار۔

اسلام آباد (نامہ نگار، سٹاف رپورٹر) وزیراعظم محمد شہباز شریف، قومی اسمبلی دے سپیکر سردار ایاز صادق تے پاکستان پیپلز پارٹی دی مرکزی ترجمان شازیہ مری نے جماعت اسلامی پاکستان دے سیکرٹری جنرل امیر العظیم دے انتقال تے ڈاہڈے دکھ تے افسوس دا اظہار کردیاں ہویاں مرحوم لئی مغفرت، درجات دی بلندی تے گھر والیاں لئی صبرِ جمیل دی دعا کیتی۔

وزیراعظم نے کہیا کہ اوہناں دیاں سیاسی خدمات ہمیشاں یاد رکھیاں جان گیاں۔ سپیکر سردار ایاز صادق نے اپنے تعزیتی بیان وچ کہیا کہ امیر العظیم دا ٹُر جانا اوہناں دے گھر والیاں، سجناں مِتراں تے جماعت اسلامی لئی اک ایسا گھاٹا اے جیہڑا پورا نہیں ہو سکدا۔ پیپلز پارٹی پارلیمنٹرینز دی مرکزی ترجمان شازیہ مری نے وی امیر العظیم دے انتقال تے ڈونگھے رنج تے غم دا اظہار کردیاں ہویاں پارٹی قیادت ولوں جماعت اسلامی دی قیادت، کارکناں تے مرحوم دے گھر والیاں نال دلی تعزیت تے ہمدردی دا اظہار کیتا۔