خیبر پختونخوا حکومت دی بلدیاتی قانون بارے ترمیم مسترد۔

اسلام آباد الیکشن کمیشن نے خیبر پختونخوا حکومت دی بلدیاتی قانون بارے ترمیم مسترد کر دتی اے، ایس حوالے نال الیکشن کمیشن دے ایڈیشنل ڈائریکٹر جنرل چودھری ندیم قاسم ولوں چیف سیکرٹری خیبر پختونخوا نوں چِٹھی گھل دتی گئی اے۔

الیکشن کمیشن دے مطابق نویں ترمیم تحت ویلج کونسل دی آبادی 30 ہزار توں 40 ہزار متھّی گئی اے جیہڑی آئین دے الٹ اے۔ آئین دے مطابق الیکشن کمیشن دے اختیارات گھٹ نہیں کیتے جا سکدے، حلقہ بندی کرنا لمے-چوڑے طرئقے نال الیکشن کمیشن دا ہی اختیار اے۔ الیکشن کمیشن نے مؤقف اپنایا کہ نویں آبادی دی حد متھن نال ویلج کونسلاں دی حلقہ بندی ممکن نہیں رہی، جدکہ ایس ترمیم پاروں بلدیاتی چوناں (انتخابات) وچ دیری دا ڈر اے۔ چِٹھی دے مطابق موجودہ کونسلاں دی گنتی توں وی قانونی الجھن پیدا ہو گئی اے۔ الیکشن کمیشن دی چِٹھی مطابق خیبر پختونخوا حکومت ایس معاملے تے مدد کرے تاں جو بلدیاتی چوناں کروائیاں جا سکن۔