مستونگ آپریشن، دہشت گرداں دیاں متعدد کمین گاہواں تباہ، 6 ہلاک۔

راولپنڈی (نیوز ایجنسیاں، مانیٹرنگ ڈیسک) سکیورٹی فورسز نے صوبہ بلوچستان وچ مستونگ دے علاقے کھڈ کوچہ وچ ویلے سر کارروائی دے دوران فتنہ الہندوستان دے 6 دہشت گرداں نوں ہلاک جبکہ سہولت کار سمیت مرد تے زنانیاں خودکش بمباراں نوں گرفتار کر لیا۔

سکیورٹی ذرائع دے مطابق بلوچستان وچ انٹیلی جنس بیسڈ آپریشن کامیابی نال جاری اے، سکیورٹی فورسز دیاں موثر کارروائیاں تیز ہو گیاں نیں، دہشت گرداں دے خلاف گھیرا ہور تنگ کر دتا گیا اے۔ سکیورٹی فورسز دی بلوچستان وچ مستونگ دے علاقے کھڈ کوچہ وچ ویلے سر کارروائی دے دوران فتنہ الہندوستان دے 6 دہشت گرداں نوں ہلاک کر دتا گیا۔ خفیہ اطلاعات دی بنیاد تے سکیورٹی فورسز دی کارروائی دے دوران متعدد دہشت گرداں نوں گرفتار وی کر لیا گیا۔ گرفتار دہشت گرداں وچ سہولت کار سمیت مرد تے زنانیاں خودکش بمبار وی شامل نیں، سکیورٹی فورسز دی موثر کارروائی وچ دہشت گرداں دیاں متعدد کمین گاہواں مکمل طور تے تباہ کر دتیاں گیاں، کارروائی دے دوران دہشت گرداں دے ٹھکانیاں توں بھاری مقدار وچ اسلحہ تے گولہ بارود وی برآمد کر لیا گیا، آپریشن دے دوران علاقے وچ سرچ تے کلیئرنس کارروائیاں جاری نیں۔ سکیورٹی فورسز ولوں مکمل نگرانی برقرار اے۔ وفاقی وزیر داخلہ محسن نقوی نے کیہا کہ بلوچستان وچ قیامِ امن لئی سکیورٹی فورسز دیاں کامیابیاں قابلِ تحسین نیں، فتنہ الہندوستان دے ناسور دے مکمل خاتمے لئی قوم سکیورٹی فورسز دے موڈھے نال موڈھا جوڑ کے کھلوتی اے۔