ملک وچ ماحولیاٹی نمونیاں وچ پولیو وائرس دی مثبت شرح گھٹ ہو گئی۔

اسلام آباد (نیوز رپورٹر) وزارتِ قومی صحت دے نیشنل ایمرجنسی آپریشنز سینٹر (ای او سی) دے مطابق ایس ورھے دے پہلے چھ مہینیاں دے دوران ملک وچ ماحولیاٹی نمونیاں وچ پولیو وائرس دی مثبت شرح وچ نمایاں کمی ریکارڈ کیتی گئی اے تے ایہ لنگھے ورھے دے 48.1 فیصد توں گھٹ ہو کے 13.1 فیصد تے آ گئی اے۔

جنوری توں جون 2026 دے عرصے وچ وائرس توں متاثرہ ماحولیاٹی نمونیاں دی مجموعی تعداد وی 369 توں گھٹ ہو کے 100 رہ گئی اے، جبکہ سال 2026 وچ ہن تک ملک بھر توں پولیو دے صرف 3 کیسز دی تصدیق ہوئی اے۔ اعداد و شمار دے مطابق جون 2026 دے دوران ملک بھر وچ پولیو وائرس دے جائزے لئی کل 127 ماحولیاٹی نمونے حاصل کیتے گئے، جنہاں وچوں 10 نمونیاں وچ وائرس دی موجودگی دی تصدیق ہوئی۔ پنجاب دے سارے 31 ماحولیاٹی نمونے منفی آئے، جبکہ سندھ دے 29 وچوں 28 نمونیاں وچ پولیو وائرس نہیں پایا گیا۔ خیبر پختونخوا دے 34 وچوں 30 تے بلوچستان دے 23 وچوں 18 ماحولیاٹی نمونے منفی قرار دتے گئے نیں۔