ہائی کورٹ: اینٹی نارکوٹکس فورس وچ نویاں بھرتیاں اتے حکمِ امتناع
نویاں بھرتیاں توں متعلق اشتہار اتے پیشرفت مرکزی درخواست دے حتمی فیصلے تیک معطل
اسلام آباد (اپنے نامہ نگار توں) اسلام آباد ہائیکورٹ نے اینٹی نارکوٹکس فورس وچ نویاں بھرتیاں اتے حکمِ امتناع جاری کردے ہویاں نویاں بھرتیاں توں متعلق اشتہار اتے پیشرفت مرکزی درخواست دے حتمی فیصلے تیک معطل کر دتی تے مرکزی کیس 22 اگست نوں سماعت لئی مقرر کر دتا۔ جسٹس اعظم خان نے متنازع اشتہار دی معطلی توں متعلق متفرق درخواست اتے تحریری حکم نامہ جاری کیتا، اے این ایف دے کانسٹیبل شفیق خان نے ایڈووکیٹ محمد علی رضا دی وساطت نال ہائی کورٹ وچ درخواست دائر کیتی، جیدے وچ وزارتِ داخلہ، وزارتِ قانون تے ڈائریکٹر جنرل اے این ایف نوں فریق بناوندے ہویاں موقف اختیار کیتا گیا کہ اے این ایف وچ پچھلے 10 سال توں اک ہی عہدے (کانسٹیبل) اتے کم کر رہیا ہاں، کوئی ترقی نہیں دتی گئی، محکمے وچ 665 کانسٹیبلز دی سینیارٹی لسٹ وچ میرا نمبر 232 ہے، ڈیپارٹمنٹل پروموشن کمیٹی دا اجلاس بلائے بغیر نویاں براہِ راست بھرتیاں دا اشتہار دینا غیر قانونی ہے، اے این ایف دے سروس رولز دے تحت پہلے توں موجود ملازمین دی ترقی دا حق ختم کر کے براہِ راست بھرتی دا اشتہار دتا گیا، عدالت اے این ایف ولوں جاری کردہ حالیہ بھرتیاں دا اشتہار غیر قانونی قرار دے کے کالعدم کرے۔
