پاکستان جائز آبی حقوک دا ہر قیمت اتے دفاع کرے گا، شازیہ مری

بلاول آبی حقوک دے تحفظ لئی قومی تے عالمی سطح اتے مؤثر آواز نیں، ترجمان پی پی

اسلام آباد (سٹاف رپورٹر) پاکستان پیپلز پارٹی پارلیمنٹرینز دی مرکزی ترجمان شازیہ مری نے آکھیا ہے کہ دریائے سندھ پاکستان دی زندگی، معیشت تے تہذیب دی علامت ہے، پاکستان اپنے جائز آبی حقوک دا ہر قیمت اتے دفاع کرے گا، دریائے سندھ صرف اک دریا نہیں سگوں پاکستان دی معیشت، زراعت تے عوام دی زندگی دی شہ رگ ہے، اونہاں آکھیا کہ پانی سیاسی ہتھیار نہیں سگوں کروڑاں انساناں دی زندگی تے زراعت دا معاملہ ہے، اونہاں آکھیا کہ بلاول بھٹو زرداری قومی تے بین الاقوامی سطح اتے پاکستان دے آبی حقوک دے تحفظ لئی مؤثر آواز چکدے رہن گے۔