انٹرنیشنل کمپنیاں دا توانائی ، معدنیات وچ سرمایہ کاری اتے اتفاق
وزیر پٹرولیم نوں مورگن ہیوز انرجی دے صدر تے تیجارہ کیپٹل دے سی ای او دی ملاقات حکومت مقامی توانائی دی پیداوار ودھان لئی مکمل تعاون فراہم کرے گی، علی پرویز
اسلام آباد (نامہ نگار، نیوز ایجنسیاں) انٹرنیشنل کمپنیاں نے پاکستان وچ توانائی تے تیل دے شعبیاں وچ سرمایہ کاری اتے اتفاق کر لیا۔ وزیر پٹرولیم نے امریکی توانائی کمپنی مورگن ہیوز انرجی دے صدر گریگوری بلوم تے تیجارہ کیپٹل دے سی ای او احمد ولید نال ملاقات کیتی۔ مورگن ہیوز انرجی تے تیجارہ کیپٹل بلوچستان وچ معدنیات دے منصوبیاں اتے مشترکہ کم کر رہی اے۔ مورگن ہیوز انرجی دے صدر نے پاکستان دے تیل و گیس دی موجودہ فیلڈز دی پیداوار ودھان لئی سرمایہ کاری وچ دلچسپی دا اظہار کیتا۔ علی پرویز ملک نے مقامی توانائی دی پیداوار وچ اضافے تے غیر ملکی سرمایہ کاری دے فروغ لئی حکومتی تعاون دی یقین دہانی کرائی۔ وزیر پٹرولیم نے ویٹول ایشیا دے سی ای او کیرن گالاگر نال وی ملاقات کیتی تے گوادر وچ ویٹول دی طرفوں بنکرنگ آپریشنز دے کامیاب آغاز اتے مبارکباد دتی۔ علی پرویز ملک نے آکھیا کہ ویٹول دے ہائی سلفر فیول آئل نوں ویری لو سلفر فیول آئل وچ تبدیل کرن دے منصوبے نوں مکمل سپورٹ فراہم کراں گے ۔ علی پرویز نے آکھیا کہ حکومت مقامی توانائی دی پیداوار ودھان تے ذمہ دارانہ بین الاقوامی سرمایہ کاری دے فروغ لئی متعلقہ اداریاں دے نال مکمل تعاون فراہم کرے گی۔
