جنوبی وزیرستان وچ حملہ ناکام، وزیراعظم دا فورسز نوں خراجِ تحسین

سکیورٹی فورسز دی پیشہ ورانہ مہارت، غیر معمولی جرات تے بروقت کارروائی نوں سراہیا؛ دہشت گردی دے ناسور دے مکمل خاتمے تک کارروائیاں جاری رہن گیان: شہباز شریف

اسلام آباد (اے پی پی، دنیا نیوز) وزیراعظم شہباز شریف نے جنوبی وزیرستان وچ دہشت گردوں دے حملے نوں ناکام بناؤن تے سکیورٹی فورسز نوں خراجِ تحسین پیش کیتا۔ اپنے بیان وچ اوہناں نے سکیورٹی فورسز دی چیک پوسٹ تے بھارتی سرپرستی وچ سرگرم فتنۃ الخوارج دے دہشت گردوں دے بزدلانہ حملے نوں ناکام بناؤن تے چار دہشت گردوں نوں ہلاک کرن تے سکیورٹی فورسز دی پیشہ ورانہ مہارت، غیر معمولی جرات تے بروقت کارروائی نوں سراہندیاں کہیا ساڈے بہادر جواناں نے دشمن دے مذموم عزائم نوں ناکام بنا کے اک بار پھر ثابت کیتا اے کہ پاکستان دی سلامتی تے کوئی آنچ نہیں آؤن دتی جائے گی، پوری قوم اپنی بہادر افواج تے قانون نافذ کرن والے اداریاں دے شانہ بشانہ کھلوتی اے۔ حکومت تے سکیورٹی فورسز آپریشن ‘‘عزمِ استحکام’’ دے تحت ملک توں دہشت گردی دے ناسور دے مکمل خاتمے تک اپنی کارروائیاں پوری قوت نال جاری رکھن گیان۔