نامور کمپنی دے گودام توں 25 ہزار 500 کلو ایکسپائر پتی برآمد
لاہور وزیراعلیٰ دے حکم تے ڈی جی پنجاب فوڈ اتھارٹی راجہ منصور دا رائیونڈ روڈ بشیر چوک تے چھاپہ، 4 کروڑ 70 لکھ روپے مالیت دی ایکسپائر پتی برآمد کر لئی گئی۔ چائے پتی تیار کرن والی معروف کمپنی دے گودام توں ملن والی 25 ہزار 500 کلو ایکسپائر پتی ضائع (تلف) کر دتی گئی تے قانوناں دی خلاف ورزی تے پروڈکشن بند کر کے 10 لکھ روپے جرمانہ کیتا گیا، ایکسپائر مال تے تازہ سٹاک اکو گودام وچ رکھیا پایا گیا۔ ڈی جی فوڈ اتھارٹی دے مطابق مارکیٹ توں واپس آؤن والی ایکسپائر پتی نوں محفوظ طریقے نال تلف کرن دا کوئی ریکارڈ پیش نہ کیتا جا سکیا، کمپنی مارکیٹ ریٹرن چائے دی تلفی بارے ویڈیوز، تصویراں تے دستاویزاں فراہم کرن وچ ناکام رہی، استعمال توں پہلے چائے پتی دی ٹیسٹنگ دا وی کوئی ریکارڈ نہیں سی۔ ڈی جی فوڈ اتھارٹی نے کہیا فروخت یا مشکوک سرگرمی توں پہلے بروقت کارروائی کر کے پتی تلف کر دتی گئی، عوامی صحت دے تحفظ لئی جعلساز تے ملاوٹ مافیا خلاف بلاامتیاز کارروائیاں جاری رہن گی۔
