نامور کمپنی دے گودام توں پنجاہ ہزار پنج سو کلو ایکسپائر پتی برآمد

لاہور وزیر اعلٰی دے حکم تے ڈی جی پنجاب فوڈ اتھارٹی راجہ منصور دا رائیونڈ روڈ بشیر چوک تے چھاپہ، چار کروڑ ستر لکھ روپئے مالیت دی ایکسپائر پتی برآمد کر لئی گئی۔
چائے پتی تیار کرن والی معروف کمپنی دے گودام توں ملن آلی پنجاہ ہزار پنج سو کلو ایکسپائر پتی تلف کر دتی گئی تے قانون دی خلاف ورزی تے پروڈکشن بند کر کے دس لکھ روپئے جرمانہ کیتا گیا، ایکسپائر مال تے فریش سٹاک اک ہی گودام وچ رکھیا پایا گیا۔ ڈی جی فوڈ اتھارٹی دے مطابق مارکیٹ توں واپس آن آلی ایکسپائر پتی دی محفوظ تلفی دا کوئی ریکارڈ پیش نہ کیتا جا سکیا، کمپنی مارکیٹ ریٹرن چائے دی تلفی نال متعلق ویڈیوز، تصویراں تے دستاویزات فراہم کرن وچ ناکام رہی، استعمال توں پہلاں چائے پتی دی ٹیسٹنگ دا وی کوئی ریکارڈ نہیں سی، ڈی جی فوڈ اتھارٹی نے آکھیا وکری یا مشکوک سرگرمی توں پہلاں بروقت کارروائی کر کے پتی تلف کر دتی گئی، عوامی صحت دے تحفظ لئی جعلساز تے ملاوٹ مافیا خلاف بلاامتیاز کارروائیاں جاری رہن گیاں۔