وزارتِ خارجہ وِچ پیر توں جمعے تک سویرے 8 وجے توں رات 8 وجے تک قونصلر خدمات

اسلام آباد (اے پی پی) نائب وزیرِ اعظم و وزیرِ خارجہ سینیٹر محمد اسحاق ڈار نے کہیا اے کہ عوام نوں بہتر تے سوکھیاں خدمات دی فراہمی دے عزم تحت وزارتِ خارجہ نے قونصلر سروسز لئی شام دی شفٹ دا آغاز کیتا اے۔

سماجی رابطے دی ویب سائٹ ایکس تے پیر والے دن اپنے پیغام وِچ سینیٹر اسحاق ڈار نے کہیا کہ وزارتِ خارجہ دے ایس اقدام توں بعد شہری ہن پیر توں جمعے تک سویرے 8:00 وجے توں رات 8:00 وجے تک قونصلر خدمات حاصل کر سکن گے جیہدے نال خدمات زیادہ قابلِ رسائی، سوکھیاں تے موثر بن جان گیئاں۔ 27 جولائی 2026 توں دو ہفتیاں لئی آزمائشی بنیاداں تے شام دی شفٹ دا آغاز کیتا گیا اے، پیر توں جمعرات سویر دی شفٹ ٹوکن جاری کرن لئی سویرے 8 توں 12 جبکہ شام دی شفٹ ٹوکن جاری کرن لئی سہ پہر 3 توں شام ساڑھے پنج وجے تک ہووے گی جدکہ جمعے نوں سویرے 8 توں 11 جبکہ شام دی شفٹ سہ پہر 3 توں شام 5 وجے تک ہووے گی۔