5 اگست جلسہ: پی ٹی آئی وفد دی ڈی سی لاہور نال ملاقات
دیگر جماعتوں کو جلسوں کی اجازت دی گئی، ہمیں بھی دی جائے: سلمان اکرم
لاہور (سیاسی نمائندہ) پاکستان تحریک انصاف دے سیکرٹری جنرل سلمان اکرم راجہ دی قیادت وِچ اپوزیشن لیڈر پنجاب اسمبلی معین قریشی، صدر پی ٹی آئی لاہور میاں اکرم عثمان تے ہور رہنماواں نے ڈپٹی کمشنر لاہور کیپٹن (ر) محمد علی اعجاز نال ملاقات کر کے 5 اگست نوں مینارِ پاکستان یا متبادل مقام تے جلسے دی اجازت دا مطالبہ کیتا اے۔ ملاقات توں بعد میڈیا نال گفتگو وِچ سلمان اکرم راجہ نے کہیا کہ پی ٹی آئی نے جلسہ دی اجازت لئی 22 جولائی نوں باقاعدہ درخواست جمع کرائی سی، تاہم ابتدا وِچ ایہہ مؤقف اختیار کیتا گیا کہ درخواست موصول ای نہیں ہوئی۔
بعد ازاں خود ریکارڈ توں 22 جولائی دی موصولی دی مہر سامنے آ گئی، حالیہ دناں وِچ ہور سیاسی جماعتوں نوں وی جلسیاں دی اجازت دِتی گئی، سانوں ایس حق توں محروم رکھنا آئین تے قانون دے منافی ہووے گا، ایس لئی پی ٹی آئی دے نال امتیازی سلوک نہیں ہونا چاہیدا، پارٹی ہر صورت پرامن جلسہ کرے گی تے سکیورٹی دے حوالے نال مکمل تعاون کرے گی۔ دوجی پاسے ڈپٹی کمشنر لاہور کیپٹن (ر) محمد علی اعجاز نے اپنے آفس وِچ صحافیاں نال گفتگو وِچ کہیا کہ پی ٹی آئی دی درخواست وی ہور جماعتوں وانگ ضلعی انٹیلی جنس کمیٹی نوں بھجوائی جاوے گی تے ایس ای فورم دی سفارشات دی روشنی وِچ جلسے دی اجازت دا حتمی فیصلہ کیتا جاوے گا۔
