سعودی عرب تے حملے خطے دے امن لئی سنگین خطرہ نیں: پاکستان
اسلام آباد (مانیٹرنگ ڈیسک) پاکستان نے سعودی عرب تے ڈرون حملیاں دی شدید الفاظ وِچ مذمت کردے ہوئیاں مکمل یکجہتی دا اظہار کیتا تے کہیا اے کہ ایہہ حملے خطے دے امن تے استحکام لئی سنگین خطرہ نیں۔
ترجمان دفترِ خارجہ نے کہیا کہ پاکستان سعودی عرب ڈرون حملیاں دی بھرپور مذمت کردا اے، ایس نوعیت دیاں اشتعال انگیز کارروائیاں پورے خطے دے امن، سلامتی تے استحکام نوں نقصان پہنچا سکدیاں نیں، مزید کہیا کہ پاکستان سعودی عرب دے نال مکمل یکجہتی دا اظہار کردا اے تے ایس دی خودمختاری، علاقائی سالمیت، امن تے خوشحالی لئی اپنی غیر متزلزل حمایت دا اعادہ کردا اے۔
