گورنر دی منظوری، نواز شریف چیئرمین لہور ہیریٹیج بورڈ مقرر
والڈ سٹیز ایکٹ دے تحت ہیریٹیج ایریا ریوائیول بورڈ تشکیل، محکمہ بلدیات دا نوٹیفکیشن، صدر (ن) لیگ تاریخی تھاواں، پرانیاں عمارتاں دی بحالی منصوبیاں دی نگرانی کرن گے
لہور (اپنے سٹی رپورٹر توں، مانیٹرنگ ڈیسک) سابق وزیرِ اعظم نواز شریف لہور ہیریٹیج ایریا ریوائیول بورڈ دے چیئرمین مقرر کر دِتے گئے، گورنر پنجاب نے نواز شریف نوں بطور ایم این اے بورڈ دا سربراہ مقرر کیتا۔ حکومت پنجاب نے گورنر دی منظوری نال ‘لہور تاریخی ورثے دے تحفظ تے بحالی’ لئی بورڈ قائم کر دِتا۔
تفصیلاں دے مطابق محکمہ بلدیات پنجاب نے لہور ہیریٹیج ایریا ریوائیول بورڈ دی تشکیل دا باقاعدہ نوٹیفکیشن جاری کر دِتا، گورنر پنجاب دی منظوری توں بعد والڈ سٹیز اینڈ ہیریٹیج ایریاز اتھارٹی ایکٹ 2012 دے تحت بورڈ تشکیل دِتا گیا ہے، بورڈ دا قیام فوری طور تے لاگو ہووے گا، مسلم لیگ (ن) دے قائد نواز شریف بورڈ دی سربراہی کرن گے۔ حکومتی فیصلے دے تحت صدر مسلم لیگ (ن) لہور دے تاریخی تھاواں تے پرانیاں عمارتاں دی اصل حالت وِچ بحالی دے منصوبیاں دی نگرانی کرن گے۔
