تِن حلقیاں دے نتائج تے تحفظات، مڑ کے پولنگ کروائی جائے: فیصل راٹھور
اسلام آباد (مانیٹرنگ ڈیسک): وزیر اعظم آزاد کشمیر فیصل ممتاز راٹھور نے کہیا کہ مسلم لیگ ن نے کوٹلی وِچ پولنگ سٹیشناں تے دھاندلی کر کے انتخابی عمل نوں داغدار کر دِتا اے۔۔۔
اوہناں نے دعویٰ کیتا کہ صدر پاکستان پیپلز پارتی چودھری محمد یاسین دے آبائی حلقے وِچ ٹھپّے لائے گئے، سہنسہ توں پاکستان پیپلز پارٹی دے امیدوار چودھری اخلاق دی جِت نوں ہار وِچ بدلن دیاں کوشاں ہو رہیاں نیں۔ سہنسہ وِچ پریزائیڈنگ افسراں نے آپ بیانات ریکارڈ کروا کے کہیا کہ اوہناں نوں یرغمال بنا کے ٹھپّے لائے گئے۔ فیصل راٹھور نے چڑھوئی، سہنسہ تے نکیال دے نتائج تے ڈاہڈے تحفظات دا اظہار کردیاں ہوئیاں منگ کیتی کہ الیکشن کمیشن ایہناں انتخابی حلقیاں دے نتائج روک کے فوج دی نگرانی وِچ مڑ کے پولنگ کروائے۔
