حکومت نے 1 کروڑ 93 لاکھ 52 ہزار نئی دیت مقرر کر دِتی
اسلام آباد (نیوز رپورٹر): وفاقی حکومت نے مالی سال 2026-2027 لئی دیت دی نئی رقم مقرر کر دِتی، وزارتِ خزانہ مطابق چالو مالی سال وِچ دیت دی گھٹو گھٹ حد 1 کروڑ 93 لاکھ 52 ہزار 390 روپے مقرر کیتی گئی اے۔
وزارتِ خزانہ ولوں جاری نوٹیفکیشن مطابق دسی گئی رقم پاکستان پینل کوڈ دی دفعہ 323 دی ذیلی دفعہ (2) تحت مقرر کیتی گئی اے تے ایہنوں ایس ہی قانون دی ذیلی دفعہ (1) دے مقصداں لئی نافذ کیتا جائے گا، دیت دی ایہہ رقم 30 ہزار 630 گرام چاندی دی قیمت دی بنیاد تے مقرر کیتی گئی اے۔
