پی آئی اے ستمبر دے پہلے ہفتے وِچ اسلام آباد، کوالالمپور پروازاں شروع کرے گی

اسلام آباد (الماس حیدر نقوی): پی آئی اے ستمبر دے پہلے ہفتے توں اسلام آباد تے کوالالمپور (ملائیشیا) ترائے براہِ راست پروازاں دا آغاز کرے گی، جیہدے نال دوہاں دوست ملکاں وِچکار فضائی رابطیاں نوں ہور فروغ ملے گا۔

ذرائع مطابق پی آئی اے نے نویاں پروازاں دے آغاز لئی انتظامی تے آپریشنل تیاریاں مکمل کر لئیاں نیں جد کہ پروازاں دا باقاعدہ شیڈول تے بکنگ دا اعلان جلد متوقع اے، اسلام آباد توں کوالالمپور لئی براہِ راست فضائی سروس بحال ہون نال سیاحت، تجارت، سرمایہ کاری تے عوامی رابطیاں وِچ نمایاں وادھا ہوئے گا۔

ماہرین مطابق ایہہ قدم پاکستان تے ملائیشیا وِچکار ودھدے ہوئے اقتصادی تے سفارتی تعلقاں نوں ہور مضبوط بناؤن وِچ اہم کردار ادا کرے گا۔