پختونخوا اسمبلی دے ممبراں لئی تاحیات بلیو پاسپورٹ دی سہولت ختم کرن دا فیصلہ

اسلام آباد (مانیٹرنگ ڈیسک) خیبر پختونخوا اسمبلی دے ممبراں (اراکین) لئی تاحیات بلیو پاسپورٹ دی شق ختم کرن دا فیصلہ کر لیا گیا۔ ذرائع دے مطابق خیبر پختونخوا اسمبلی دی قائمہ کمیٹی برائے استحقاق دے اجلاس وِچ ممبراں دیاں مراعات نال متعلق بل تے اہم فیصلے کیتے گئے۔

اجلاس ڈپٹی سپیکر ثریا بی بی دی صدارت وِچ ہویا جو کمیٹی دی چیئرپرسن وی نے۔ اجلاس وِچ اتفاق کیتا گیا کہ اراکینِ اسمبلی نوں تاحیات دی بجائے صرف اپنی اسمبلی مئدت (مدت) دے دوران بلیو پاسپورٹ جاری کیتا جاوے گا۔ ایس توں علاوہ ممبراں لئی اسمبلی نادرا کارڈ جاری کرن دی تجویز تے اوہناں دے ٹبر (اہلِ خانہ) نوں ایہ کارڈ دین دی شق ختم کرن تے وی غور کیتا گیا۔

ذرائع دے مطابق اراکینِ اسمبلی مراعات و استحقاقات بل وِچ میڈیا نال متعلق قانوناں وِچ وی نرمی کیتی جاوے گی جبکہ سپیکر تے ڈپٹی سپیکر دیاں موجودہ مراعات تے خرچے (اخراجات) برقرار رکھن دا فیصلہ کیتا گیا ہے۔ تاحیات بلیو پاسپورٹ دی سہولت ختم کرن دے فیصلے تے کئی اراکینِ اسمبلی نے سخت (شدید) تحفظات دا اظہار کیتا ہے۔ ذرائع دا کہنا ہے کہ مراعات بل دے ترمیمی مسودے نوں ہُن ترت (جلد) حتمی شکل دے کے کابینہ دی منظوری توں بعد دوبارہ اسمبلی وِچ پیش کیتا جاوے گا۔ وزیراعلیٰ نے ایس معاملے تے سپیکر بابر سلیم نوں بل تے نظرثانی دی ہدایت کیتی سی۔