سعودی عرب نے پاکستان دا 5 ارب ڈالر قرضہ رول اوور کر دِتا

قرضے دی واپسی 3 سال لئی موخر کر دِتی، پاکستان تے ترت (فوری) ادائگیاں دا دباؤ گھٹ ہو گیا | مجموعی طور تے پاکستان وِچ سعودی عرب دے 8 ارب ڈالر ڈیپازٹس: سٹیٹ بینک

اسلام آباد (مانیٹرنگ ڈیسک) سعودی عرب نے پاکستان دے 5 ارب ڈالر دے قرضے دی واپسی 3 سال لئی موخر کر دِتی، سٹیٹ بینک نے کیہا کہ 5 ارب ڈالر دے رول اوور نال پاکستان تے ترت (فوری) ادائگیاں دا دباؤ گھٹ ہو گیا ہے، سٹیٹ بینک دے مطابق پاکستان کول سعودی عرب دے 8 ارب ڈالر دے ڈیپازٹس نے، سعودی عرب توں 3 ارب ڈالر ایس سال اپریل وِچ حاصل کیتے گئے سن، ایس سال پاکستان دیاں بیرونی مالی لوڑاں (ضروریات) گھٹ ہو کے 21 اعشاریہ 5 ارب ڈالر رہ گیاں نے، غیر ملکی قرضیاں تے سود دی ادائی وِچ تقریباً ادھا (نصف) ارب ڈالر دی کمی آئی ہے، جولائی وِچ 2 اعشاریہ 2 ارب ڈالر دے قرضے واپس کیتے جا چکے نے، چین توں 1 اعشاریہ 3 ارب ڈالر دے کمرشل قرضے دی ری فنانسنگ اگلے مہینے (ماہ) متوقع ہے، سٹیٹ بینک نے پچھلے (گزشتہ) مالی سال وِچ اوپن مارکیٹ توں 9 ارب ڈالر خریدے، دسمبر 2026ء تک زرمبادلہ دے ذخائر 20 اعشاریہ 2 ارب ڈالر تک پہنچن دا ہدف مقرر کیتا گیا ہے۔