وفاقی پنشنراں دی بنیادی پنشن وِچ 7 فیصد وادھے دے احکامات جاری

اسلام آباد (نیوز رپورٹر) وزارتِ مالیات (خزانہ) نے وفاقی حکومت دے ماتحت پنشنراں دی پنشن وِچ وادھے (اضافے) دے احکامات جاری کر دِتے۔

جِس دے مطابق یکم جولائی 2026ء توں وفاقی حکومت دے سارے سول پنشنراں، دفاعی اداریاں دے سویلین پنشنراں، ریٹائرڈ مسلح افواج دے اہلکاراں تے سویلین آرمڈ فورسز دے ریٹائرڈ اہلکاراں دی بنیادی پنشن وِچ 7 فیصد وادھا کیتا جاوے گا۔ احکامات دے مطابق ایہ وادھا بنیادی پنشن تے کیتا جاوے گا جِس دا تعین وزارتِ مالیات دے یکم جنوری 2025ء، 7 جولائی 2025ء تے 5 اگست 2025ء دے جاری کیتے گئے احکامات دے مطابق ہووے گا۔ وزارتِ مالیات دے مطابق یکم جولائی 2026ء یا ایس توں بعد ریٹائر ہون والے ملازم وی ایس 7 فیصد وادھے دے حقدار ہون گے۔