چیئرمین سینیٹ سمیت 48 سینیٹرز مارچ 2027ء وِچ ریٹائر

پی ٹی آئی 13، پیپلز پارٹی 10، ن لیگ 6، آزاد 6، باپ 4، جے یو آئی دے 3 سینیٹرز شامل | اعظم تارڑ، رانا ثناء، شیری، علی ظفر، سعدیہ عباسی، فاروق نائیک دی وی مدت پوری ہووے گی

اسلام آباد (ایس ایم زمان) چیئرمین سینیٹ سید یوسف رضا گیلانی، وفاقی وزیر قانون اعظم نذیر تارڑ، رانا ثناء اللہ سمیت سینیٹ دے 48 ارکان مارچ 2027ء وِچ اپنی چھ سالہ مدت مکمل کر کے ریٹائر ہو جان گے۔ مدت پوری کرن والے سینیٹراں وِچ پاکستان تحریک انصاف دے 13، پاکستان پیپلز پارٹی دے 10، پاکستان مسلم لیگ (ن) دے 6، آزاد 6، بلوچستان عوامی پارٹی (باپ) دے 4، جمعیت علمائے اسلام (ف) دے 3، متحدہ قومی موومنٹ پاکستان دے 2، عوامی نیشنل پارٹی دے 2 تے پاکستان مسلم لیگ (ق) دا اک سینیٹر شامل ہے۔

تحریک انصاف دے ریٹائر ہون والے سینیٹراں وِچ عون عباس، ڈاکٹر زرقا سہروردی تیمور، فیصل سلیم رحمان، فلک ناز، فوزیہ ارشد، گردیپ سنگھ، لیاقت خان ترکئی، محمد ہمایوں مہمند، محسن عزیز، سیف اللہ ابڑو، سیف اللہ سرور خان نیازی، سید علی ظفر تے ذیشان خانزادہ شامل نے۔ پاکستان پیپلز پارٹی دے عبد القدوس، فاروق ایچ نائیک، جام سیف اللہ خان، محمد اسلم ابڑو، پلوشہ محمد زئی خان، سلیم مانڈوی والا، شہادت اعوان، شیری رحمان، سید وقار مہدی تے سید یوسف رضا گیلانی وی مارچ 2027ء وِچ اپنی مدت مکمل کرن گے۔ پاکستان مسلم لیگ (ن) دے عابد شیر علی، اعظم نذیر تارڑ، ڈاکٹر افنان اللہ خان، میر دوستین خان ڈومکی، رانا ثناء اللہ خان تے سعدیہ عباسی دی مدت وی مکمل ہووے گی۔

آزاد ارکان وِچ اسد قاسم، حافظ عبدالکریم، خرم ذیشان، مشعل اعظم، محمد عبدالقادر تے نسیمہ احسان شامل نے جبکہ بلوچستان عوامی پارٹی دے دانش کمار، منظور احمد، سعید احمد ہاشمی تے ثمینہ ممتاز زہری وی ریٹائر ہون گے۔ جمعیت علمائے اسلام (ف) دے عبدالشکور خان، عطا الرحمن تے کامران مرتضیٰ، متحدہ قومی موومنٹ پاکستان دی خالدہ اطیب تے سید فیصل علی سبزواری، عوامی نیشنل پارٹی دے ہدایت اللہ خان تے عمر فاروق جبکہ پاکستان مسلم لیگ (ق) دے کامل علی آغا وی مارچ 2027ء وِچ اپنی مدت مکمل کر لین گے۔