پی ٹی آئی تے جے یو آئی دا حکومت نوں ٹف ٹائم دین دا فیصلہ

پارلیمنٹ وچ حکومتی اقدام دے خلاف سانجھی احتجاجی حکمت عملی طے، ایوان توں باہر اتحاد اُتے گل بات ودھان اُتے وی اتفاق کر لیا گیا، ذرائع دا دعویٰ
لاہور (دنیا نیوز) پاکستان تحریک انصاف تے جمعیت علماء اسلام (ف) دے درمیان پارلیمنٹ وچ تعاون دی سانجھی حکمت عملی طے پا گئی اے، ذرائع دے مطابق دونویں پارٹیاں نے پارلیمنٹ وچ حکومت نوں ٹف ٹائم دین دا فیصلہ کیتا، پارلیمنٹ دے آندے سیشن وچ حکومتی اقدام اُتے دونویں پارٹیاں سانجھا احتجاج کرن گیاں، ذرائع دا کہنا اے کہ پارلیمنٹ وچ سانجھی حکمت عملی توں بعد ایوان توں باہر اتحاد اُتے گل بات ودھان اُتے وی اتفاق کیتا گیا اے، سابق سپیکر قومی اسمبلی اسد قیصر دی سربراہی وچ پی ٹی آئی وفد نے پچھلے دِیہڑے مولانا فضل الرحمن نال اہم ملاقات کیتی سی جیدے وچ دونویں جماعتاں نے رل کے چلن اُتے اتفاق کیتا سی۔