روان مہینے پیغام پاکستان دے عنوان نال پروگرام ہون گے: طاہر اشرفی

لاہور (سیاسی نمائندہ، این این آئی): چیئرمین پاکستان علماء کونسل حافظ محمد طاہر محمود اشرفی نے آکھیا اے کہ رواں مہینے پیغام پاکستان دے عنوان نال پورے ملک وچ پروگرام منعقد کیتے جان گے، پیغام پاکستان اُتے 15 ہزار دے لگ بھگ علماء، امام کعبہ تے امام مسجد نبوی دے وی دستخط نیں۔
ایہنوں عام بندے تک لے کے جاواں گے تاینکہ عام بندے نوں پتہ لگے کہ اسلام کیا اے۔ لاہور وچ پاکستان علماء کونسل لاہور دے ذمےواران دے اجلاس توں خطاب تے پریس کانفرنس وچ اوہناں نے مزید آکھیا کہ 30 اگست نوں لاہور وچ پیغام رحمت اللعالمین کانفرنس الحمرا ہال وچ ہووے گی۔ طاہر محمود اشرفی نے آکھیا کہ آئین پاکستان نوں منن والے سارے لوکاں نال مذاکرات ہونے چاہیدے نیں جیہڑا آئین تسلیم نہیں کردا اوہنوں قبول نہیں کیتا جا سکدا، صرف نویں صوبے بنان نال مسئلے حل نہیں ہون گے، بہتر طرزِ حکمرانی تے اثر آلا گورننس دی لوڑ اے۔