وفاقی ملازمین دے جی پی فنڈ دی ماہانہ کٹوتی وچ ودھارے دی منظوری
گریڈ 1 توں 5 تک بالترتیب 730، 1280، 1390، 1490 تے 1600 روپیہ کٹوتی ہووے گی، 17 توں 22 تک 7620، 9570، 12810، 14350، 15930، 17610 روپیہ کٹوتی مقرر
اسلام آباد (ایس ایم زمان): وزارتِ خزانہ نے بنیادی پے سکیل 2026 دے مطابق وفاقی ملازمین دے ماہانہ جنرل پروویڈنٹ (جی پی) فنڈ دی نویں کٹوتی دیاں شرحاں دی منظوری دے دتی اے جیہناں دے تحت گریڈ 1 توں 22 تک سارے ملازمین دی ماہانہ کٹوتی وچ ودھارا کیتا گیا اے۔
حکماں دے مطابق گریڈ 1 دے ملازمین لئی جی پی فنڈ دی ماہانہ کٹوتی 600 روپے توں ودھا کے 730 روپے، گریڈ 2 لئی 1060 روپے توں ودھا کے 1280 روپے تے گریڈ 3 لئی 1150 روپے توں ودھا کے 1390 روپے کر دتی گئی۔ گریڈ 4 دی کٹوتی 1230 روپے توں ودھا کے 1490 روپے، گریڈ 5 دی 1330 روپے توں ودھا کے 1600 روپے، گریڈ 6 دی 1420 روپے توں ودھا کے 1710 روپے تے گریڈ 7 دی 1500 روپے توں ودھا کے 1810 روپے مقرر کیتی گئی اے۔
گریڈ 8 دے ملازمین لئی جی پی فنڈ دی ماہانہ کٹوتی 1600 روپے توں ودھا کے 1930 روپے، گریڈ 9 لئی 1700 روپے توں ودھا کے 2040 روپے، گریڈ 10 لئی 1800 روپے توں ودھا کے 2160 روپے تے گریڈ 11 لئی 1920 روپے توں ودھا کے 2310 روپے کر دتی گئی۔ گریڈ 12 دی کٹوتی 3300 روپے توں ودھا کے 3970 روپے، گریڈ 13 دی 3570 روپے توں ودھا کے 4290 روپے، گریڈ 14 دی 3900 روپے توں ودھا کے 4680 روپے جد کہ گریڈ 15 دی 4290 روپے توں ودھا کے 5160 روپے مقرر کیتی گئی اے۔ گریڈ 16 دے ملازمین لئی ایہ کٹوتی 4960 روپے توں ودھا کے 5970 روپے کر دتی گئی اے۔
وفاقی افسراں لئی گریڈ 17 دی ماہانہ کٹوتی 6350 روپے توں ودھا کے 7620 روپے، گریڈ 18 دی 7960 روپے توں ودھا کے 9570 روپے تے گریڈ 19 دی 10 ہزار 660 روپے توں ودھا کے 12 ہزار 810 روپے مقرر کیتی گئی اے۔ سینئر افسراں لئی نویں شرح دے مطابق گریڈ 20 دے ملازمین دی ماہانہ جی پی فنڈ کٹوتی 11 ہزار 950 روپے توں ودھا کے 14 ہزار 350 روپے، گریڈ 21 دی 13 ہزار 260 روپے توں ودھا کے 15 ہزار 930 روپے جد کہ گریڈ 22 دے افسراں دی کٹوتی 14 ہزار 660 روپے توں ودھا کے 17 ہزار 610 روپے کر دتی گئی۔
