وزیرِ اعظم دی بہاولپور آمد، ڈپٹی سپیکر پنجاب اسمبلی نال والد ایم این اے اقبال چنڑ دی وفات تے افسوس (تعزیت) دا اظہار

بہاولپور (خبرنگار) وزیرِ اعظم پاکستان محمد شہباز شریف دی بہاولپور وچ ڈپٹی سپیکر پنجاب اسمبلی ملک ظہیر اقبال چنڑ تے اوہناں دے بھرا ملک منیر اقبال چنڑ دی رہائش گاہ آمد۔

وزیرِ اعظم نے ملک ظہیر اقبال چنڑ، ملک منیر اقبال چنڑ تے ٹبر دے دوجے جیئاں نال رکن قومی اسمبلی تے سابق صوبائی وزیر ملک محمد اقبال چنڑ دے انتقال تے افسوس (تعزیت) دا اظہار کیتا۔ فاتحہ خوانی تے دعائے مغفرت کیتی۔ وزیرِ اعظم شہباز شریف نے کہیا کہ مرحوم ملک اقبال چنڑ نے بطور رکن قومی اسمبلی عوامی فلاح و بہبود لئی وڈیاں خدمات سر انجام دتیاں، اوہناں نے مرحوم دی پارٹی نال وفاداری نوں سلاہیا تے کہیا کہ مرحوم نے مسلم لیگ (ن) وچ بطور سیاسی آگو (لیڈر) نمایاں کردار ادا کیتا۔ وفاقی وزیرِ منصوبہ بندی و ترقی احسن اقبال، وزیرِ قانون اعظم نذیر تارڑ، وزیرِ توانائی سردار اویس لغاری تے وزیرِ اطلاعات و نشریات عطا اللہ تارڑ وی وزیرِ اعظم دے نال سن۔