پولیس جواناں دیاں قربانیاں ہر پاکستانی لئی قابلِ احترام: صدر، وزیرِ اعظم

شہداء دے ٹبراں دی ہر ممکن معاونت حکومت دی پہلی ذمہ داری: یومِ شہدائے پولیس تے پیغام

اسلام آباد صدرِ مملکت آصف علی زرداری تے وزیرِ اعظم شہباز شریف نے کہیا کہ پولیس دے بہادر افسراں تے جواناں دیاں عظیم قربانیاں ہر پاکستانی لئی قابلِ احترام رہیں گی، پاکستان پولیس جرائم، دہشت گردی تے پرتشدد انتہا پسندی دے خلاف پہلی صف وچ خدمات انجام دے رہی اے، شہداء دے ٹبراں دی فلاح و بہبود تے ہر ممکن معاونت نوں یقینی بنانا حکومت دی پہلی ذمہ داری اے۔ یومِ شہدائے پولیس تے صدر آصف علی زرداری نے کہیا کہ ایہ گل وڈی حوصلہ افزا اے کہ ساڈے پولیس اہلکار معصوم جندڑیاں دے تحفظ، قانون دی بالادستی تے دیس وچ امن و امان دے قیام لئی پرعزم نیں تے بے مثال قربانیاں نال اپنی ذمہ داریاں نبھا رہے نیں۔ وزیرِ اعظم شہباز شریف نے کہیا کہ اوہ پولیس دے افسراں تے جواناں دیاں قربانیاں نوں سلام پیش کردے نیں جنہاں نے وطنِ عزیز تے اپنی جان نچھاور کیتی۔