ڈیفائنڈ کنٹریبیوشن پنشن فنڈ سکیم، 16 کمپنیاں نال معاہدہ

کمپنیاں اہل پنشن فنڈ منیجرز دی فِہرِست وِچ شامل کر لئیاں گئیاں: وزارتِ خزاندا سرکلر

اسلام آباد (نیوز رُپورٹر): وفاقی حکومت نے ڈیفائنڈ کنٹریبیوشن پنشن فنڈ سکیم 2024 اُتے عمل لئی سولہ (16) فنانشل کمپنیاں نال معاہدہ کیتا اے، وزارتِ خزاندا نے ڈیفائنڈ کنٹریبیوشن پنشن فنڈ دے پنشن فنڈ منیجرز دے نال معاہدے مُکمل کر لئے نیں تاں جو متعلقہ اداریاں تے ملازماں نوں مستند معلومات دستیاب ہو سکن۔ وزارتِ خزاندا دے مُطابق وفاقی حکومت دے نال معاہدہ کرن والیاں 16 کمپنیاں وِچ اے بی ایل ایسیٹ مینجمنٹ کمپنی لمیٹڈ، الحبیب ایسیٹ مینجمنٹ لمیٹڈ، المیزان انویسٹمنٹ مینجمنٹ لمیٹڈ، اٹلس ایسیٹ مینجمنٹ لمیٹڈ، فیصل ایسیٹ مینجمنٹ لمیٹڈ، جے ایس انویسٹمنٹس لمیٹڈ، لکی انویسٹمنٹس لمیٹڈ، ایم سی بی انویسٹمنٹ مینجمنٹ لمیٹڈ، نیشنل انویسٹمنٹ ٹرسٹ لمیٹڈ، ای ایف یو لائف ایشورنس لمیٹڈ، الفلاح ایسیٹ مینجمنٹ لمیٹڈ، ایچ بی ایل ایسیٹ مینجمنٹ کمپنی لمیٹڈ، یو بی ایل فنڈ منیجرز لمیٹڈ، این بی پی فنڈ مینجمنٹ لمیٹڈ، پاک قطر فیملی تکافل لمیٹڈ تے اے ڈبلیو ٹی انویسٹمنٹس لمیٹڈ شامل نیں۔ سرکلر وِچ واضع کیتا گیا اے جو مزکورہ کمپنیاں نوں اہل پنشن فنڈ منیجرز دی فِہرِست وِچ شامل کیتا گیا اے۔