بھارت وِچ مقیم اقلیتاں، خاص کر مسلماناں وِچ عدم تحفظ دا احساس ودھ رہیا اے۔
اتراکھنڈ وِچ مسلماناں دیاں قبراں، مزار ڈھاہ کے ہندواں نے ڈھول وجا کے جشن منایا، دہلی وِچ رکشا دل دے کارندیاں نے مسلماناں نوں نماز پڑھن توں روک دِتا، دھمکیاں
اسلام آباد (خصوصی نیوز رپورٹر) مودی حکومت نے ہندوتوا دے فروغ لئی انتہاپسند ہندواں نوں مسلماناں خلاف مظالم دی کھلی چھوٹ دے دتی، ریاستی سرپرستی وِچ مسلماناں دیاں مذہبی تھانواں نوں ڈھاؤن تے عبادتاں تے جبراً پابندیاں دا سلسلہ جاری اے، سوشل میڈیا تے وائرل ویڈیو وِچ ویکھیا جا سکدا اے کہ بھارتی ریاست اتراکھنڈ وِچ انتہاپسند ہندو تنظیم بجرنگ دل نے مسلماناں دیاں قبراں نوں مسمار کر دِتا، رپورٹاں دے مطابق بھارتی ریاست اتراکھنڈ وِچ انتہاپسند ہندو تنظیم بجرنگ دل نے مسلماناں دیاں قبراں نوں مسمار کر دِتا تے لینڈ جہاد دا ناں دے کے انتہاپسند ہندواں نے مزار نوں ڈھاؤن دے دوران ڈھول وجا کے خوشی دا اظہار کیتا۔ دہلی دے علاقے منڈاولی وِچ وی ہندو انتہاپسند تنظیم رکشا دل دے کارندیاں نے مسلماناں نوں نماز پڑھن توں وی روک دِتا۔
