گلگت بلتستان: تمباکو مصنوعات دی تشہیر تے سپانسرشپ تے پابندی عائد

گلگت (اے پی پی) گلگت بلتستان حکومت نے تمباکو مصنوعات دی تشہیر تے سپانسرشپ تے پابندی عائد کر کے نوٹیفکیشن جاری کر دِتا اے۔

نارکوٹکس ڈیپارٹمنٹ ولوں جاری کیتے گئے باضابطہ مراسلے دے مطابق گلگت بلتستان وِچ تمباکو، سگریٹ تے ایہدے نال جڑی ہر قسم دی مصنوعات دی تشہیر، پروموشن تے سپانسرشپ تے مکمل پابندی عائد کر دتی گئی اے۔ قانون دے اس تاریخی نفاذ دے تحت خاص طور تے تعلیمی ادارےآں تے صحت دے مراکز (ہسپتالاں تے ڈسپنسریاں) دے آلے دوالے 200 میٹر دی حدود وِچ تمباکو تے سگریٹ دی فروخت، سٹوریج، نمائش تے کسے وی قسم دی تشہیر نوں جرم قرار دے کے ایہدے تے مکمل پابندی عائد کیتی گئی اے۔ محکمہ نارکوٹکس نے گلگت، بلتستان تے دیامر ریجن دے سرکل افسراں نوں پابند کیتا اے کہ اوہ صحت تے تعلیم دے شعبیاں نال مل کے سارے دکانداراں نوں نوٹس جاری کرن تے 15 دناں دے اندر تمباکو دے سارے بینرز تے اشتہار ہٹا کے تعمیلی رپورٹ جمع کروائن۔