پاک فوج تے خیبر پختونخوا پولیس دیاں مشترکہ تربیتی مشقاں
پولیس اہلکاراں نوں جدید ہتھیاراں دے استعمال، فائرنگ پوزیشنز تے نیڑے دی جنگ تے لیکچر
اسلام آباد (خصوصی نیوزرپورٹر) ملک توں دہشت گردی دے مکمل خاتمے دے عزم تحت پاک فوج تے خیبر پختونخوا پولیس وچالے مشترکہ تعاون نوں ہور مضبوط بنان لئی خصوصی تربیتی پروگرام دا انعقاد کیتا گیا۔ مشترکہ ٹریننگ دے دوران پولیس اہلکاراں تے کمانڈوز نوں جدید جنگی حکمتِ عملی، سکیورٹی ڈرلز تے آپریشنل طریقہ کار دیاں عملی مشقاں کرائیاں گئیاں۔ ماہر آرمی انسٹرکٹرز نے پولیس اہلکاراں نوں جدید ہتھیاراں دے استعمال تے محفوظ انداز وِچ سنبھالن، فائرنگ دیاں مختلف پوزیشنز تے نیڑے دی جنگ دی جدید تکنیکاں نال متعلق خصوصی لیکچر تے عملی تربیت دتی۔ پاک فوج ولوں اہلکاراں نوں گڈیاں تے فوراً سوار ہوون تے اترن دیاں ڈرلز، “فائر اینڈ موو” دیاں پیشہ ورانہ مشقاں تے دوجیاں جدید انسدادِ دہشت گردی مہارتاں دی وی تربیت دتی گئی، تاں جو کسے وی ہنگامی صورتحال وِچ موثر تے ویلے سر کارروائی نوں یقینی بنایا جا سکے۔ تربیتی پروگرام دے اختتام تے اک پروقار تقریب دا انعقاد کیتا گیا، جیہدے وِچ اعلیٰ عسکری تے پولیس حکام نے نمایاں کارکردگی دا مظاہرہ کرن والے جواناں وِچ انعامات ونڈے تے اوہناں دی پیشہ ورانہ صلاحیتاں نوں سراہیا۔
