آزاد کشمیر انتخابات، اساں دھاندلی دے مؤقف تے قائم آں: نیئر بخاری
اسلام آباد (سٹاف رپورٹر) پاکستان پیپلز پارٹی پارلیمنٹیرینز دے سیکرٹری جنرل سید نیئر حسین بخاری نے کہیا کہ پاکستان پیپلز پارٹی آزاد کشمیر دے انتخابات وِچ دھاندلی دے اپنے مؤقف تے قائم اے۔
اوہناں نے کہیا کہ انتخابات دے دوران طاقت، تشدد تے خوف دی فضا قائم کیتی گئی، جیہدے نال انتخابی عمل دی شفافیت بری طرح متاثر ہوئی، قائم مقام صدر تے سپیکر اسمبلی نوں وی مناسب سکیورٹی فراہم نہیں کیتی گئی، نیئر بخاری نے کہیا کہ آزاد کشمیر وِچ انتخابات آزادانہ، منصفانہ تے غیر جانبدارانہ نہیں ہوئے، اگر مسلم لیگ (ن) طاقت دے زور تے حکومت بناندی اے تاں نتائج دی ذمہ داری وفاقی حکومت تے عائد ہووے گی۔
