وزیراعظم، فیلڈ مارشل دو دن دے دورے اُتے اڄ سعودیہ جان گے
شہزادہ محمد بن سلمان نال ایران امریکہ لڑائی، آپسی تعلقات اُتے گل بات کیتی جاوے گی
اسلام آباد وزیراعظم شہباز شریف دا سعودی عرب جان دا ویلا طے ہو گیا، فیلڈ مارشل عاصم منیر وی اوہناں دے نال ہون گے۔ خبراں دے مطابق وزیراعظم اڄ شام دو دن دے دورے اُتے سعودی عرب روانہ ہون گے، اوہناں دے نال وڈے عہدیداراں دا وفد وی ہووے گا، سعودی ولی عہد شہزادہ محمد بن سلمان نال وزیراعظم شہباز شریف تے فیلڈ مارشل عاصم منیر دی ملاقات وچ دوویں دیساں دے تعلقات، امریکہ، ایران لڑائی تے امن ول گل بات اُتے وی چرچا کیتا جاوے گا۔
