خواجہ آصف نال نیٹلی بیکر دی ملاقات، دوطرفہ ساجھے داریاں اُتے گل بات
وزیرِ دفاع نے علاقائی امن لئی لگاتار رابطیاں تے چنگی گل بات اُتے زور دتا
اسلام آباد (خصوصی نیوز رپورٹر) پاکستان وچ تعینات امریکی ناظم الامور نیٹلی بیکر نے اسلام آباد وچ وزیرِ دفاع خواجہ محمد آصف نال اوہناں دے دفتر وچ ملاقات کیتی جِس وچ دوویں پاسیاں نے آپسی فائدے دے معاملیاں اُتے گل بات کیتی۔ علاقائی تے اندرون دیس دی حفاظت دی حالت دے نال نال دوطرفہ ساجھے داری نوں ہور پکا کرن دے موقعیاں اُتے پورا دھیان دتا گیا۔ وزیرِ دفاع نے علاقائی امن، حفاظت تے سکھ شانتی دے رل کے پائے گئے مقصد نوں پاؤن لئی لگاتار رابطیاں تے چنگی گل بات دی لوڑ اُتے زور دتا۔ ملاقات ہاسے خوشی تے چنگے ماحول وچ ہوئی جیہڑی آپسی فائدے دے معاملیاں اُتے لگاتار رابطہ تے ساجھا رکھن بابت دوویں پاسیاں دی پکی سچی سوچ دی دسویں کردی اے۔
