آئینی لوڑاں پوریاں، پہلاں ہزارہ صوبہ بننا چاہیدا اے: سردار محمد یوسف

ہزارہ وچ سارے سیاسی دَل صوبہ بنان اُتے راضی، ایہہ بولی نہیں انتظامی منگ اے، صوبہ آپ توں کفیل ہووے گا، ایہہ شہیداں دی امانت اے، سیر سپاٹا، معیشت تے وفاق مضبوط ہووے گا: بولن آلے

اسلام آباد (اپنے رپورٹر توں) وفاقی وزیر مذہبی امور تے صوبہ ہزارہ تحریک دے چیئرمین سردار محمد یوسف نے آکھیا اے کہ ہزارہ صوبہ سارے آئینی تقاضے پورے کردا اے ایس نوں ساریاں توں پہلاں صوبہ بنایا جانا چاہیدا اے، سینیٹر محمد طلحہ محمود دے گھر تحریک دی میٹنگ توں خطاب کردیاں اوہناں آکھیا کہ خیبرپختونخوا اسمبلی وچ ہزارہ صوبے دے حق وچ پکا حکم پاس ہو چکا، سینیٹ وچ وی بل موجود اے۔ اوہناں دا کہنا سی کہ ہزارہ دی منگ بولی یا نسل دی بنیاد اُتے نہیں سگوں انتظامی بنیادوں اُتے اے تے ایتھے وکھ وکھ بولیاں بولن آلے تے بہت سارے قبیلے وسدے نیں۔ سینیٹر طلحہ محمود نے آکھیا کہ ہزارہ صوبہ تحریک تگڑی تے آئینی پدھر اُتے پورا مقدمہ رکھدی اے۔

بریفنگ وچ دَسیا گیا کہ نواں بنن آلا صوبہ معاشی پدھر اُتے آپ کفیل ہووے گا تے سیر سپاٹا تے ترقی نوں ہور ودھاؤے گا، اسمبلی ممبراں تے دوجے بولن آلے آکھیا کہ ہزارہ صوبہ شہیداں دی امانت اے ایس دے بنان لئی جتن جاری رہن گے۔ میٹنگ وچ سینیٹر طلحہ محمود، قومی اسمبلی ممبر بابر نواز، بریگیڈیئر شہزاد اعوان، وڈا کوآرڈی نیٹر پروفیسر سجاد قمر تے دوجیاں نے رل کے حصہ لیا۔ سینیٹر طلحہ محمود نے آکھیا کہ ہزارہ صوبہ تحریک ہݨ دے ویلے وچ سب توں تگڑی تحریک اے۔ بریگیڈیئر شہزاد اعوان نے ہزارہ صوبہ دے بنان تے ایس لئی کیتے جان آلے جتنان بابت دَسیا۔ پروفیسر سجاد نے آکھیا کہ محسن نقوی نے اک وڈے موقف دی حمایت کیتی اے، نویں صوبے ویلے دی لوڑ نیں ایس نال دیس مضبوط ہووے گا، محسن نقوی اگے ودھ کے اپنا کردار ادا کرن۔