نکاری کمیشن: 19 کنسلٹنٹاں دی بھرتی لئی سالانہ 16 کروڑ بجٹ درکار
تن سالہ کنٹریکٹ اتے تقرریاں ہون گیاں، کلّے ماہانہ تنخواہاں دا تخمینہ 1 کروڑ 34 لکھ تیکر اے، ایڈوائزر ٹرانزیکشنز لئی پچی لیکھ ماہانہ تنخواہ، بھرتیوں دا کم شروع کرن دی منظوری دتی گئی
اسلام آباد (نیوز رپورٹر): نجکاری کمیشن نے 19 کنسلٹنٹس تے ماہرین دی اسامیاں اتے تن سالہ کنٹریکٹ دی بنیاد اتے تقرریاں دا فیصلہ کر لیا اے۔ اینہاں تقرریاں لئی سالانہ گھٹ توں گھٹ 11 کروڑ 79 لکھ 8 ہزار 760 روپے تے ودھ توں ودھ 16 کروڑ 13 لکھ 49 ہزار 840 روپے دا بجٹ درکار ہووے گا۔ کلّے ماہانہ تنخواہاں دا تخمینہ تقریباً 98 لکھ 25 ہزار روپے توں 1 کروڑ 34 لکھ 45 ہزار روپے تیکر اے۔ ٹی ون سکیل اتے ایڈوائزر ٹرانزیکشنز دی اک اسامی لئی ماہانہ 20 لکھ توں 25 لکھ روپے تنخواہ مقرر کیتی گئی اے جیدے اتے سالانہ 2 کروڑ 40 لکھ توں 3 کروڑ روپے خرچ ہون گے۔
ٹی ٹو سکیل اتے ایڈوائزر سٹریٹجی اینڈ پالیسی دی اک اسامی لئی ماہانہ 15 لکھ توں 20 لکھ روپے تنخواہ مقرر کیتی گئی اے جیدا سالانہ بجٹ 1 کروڑ 80 لکھ توں 2 کروڑ 40 لکھ روپے ہووے گا۔ ٹی تھری سکیل اتے ایڈوائزر ٹرانزیکشنز تے چیف لیگل آفیسر دی اک، اک اسامی رکھی گئی اے۔ دونویں عہدیاں لئی ماہانہ 10 لکھ توں 15 لکھ روپے تنخواہ مقرر کیتی گئی اے جدوں کہ دونویں اسامیاں اتے کلّے سالانہ خرچے 2 کروڑ 40 لکھ توں 3 کروڑ 60 لکھ روپے ہون گے۔ کنسلٹنٹس لئی جی ون سکیل دیاں 3 اسامیاں اتے فی کس ماہانہ 6 لکھ 29 ہزار 230 روپے توں 7 لکھ 72 ہزار 780 روپے تنخواہ توں علاوہ ہور الاؤنس مقرر کیتے گئے نیں۔ اینہاں اسامیاں لئی کلّا سالانہ بجٹ 2 کروڑ 26 لکھ 52 ہزار 280 روپے توں 2 کروڑ 78 لکھ 20 ہزار 80 روپے ہووے گا۔
جی ٹو سکیل دیاں 4 اسامیاں لئی فی کس ماہانہ 2 لکھ 63 ہزار 180 روپے توں 4 لکھ 21 ہزار 100 روپے تنخواہ تے الاؤنس مقرر کیتے گئے نیں جیدے اتے کلّے سالانہ خرچے 1 کروڑ 26 لکھ 32 ہزار 640 روپے توں 2 کروڑ 2 لکھ 12 ہزار 800 روپے تیکر ہون گے۔ جی تھری سکیل دے 6 کنسلٹنٹس لئی فی کس ماہانہ 1 لکھ 84 ہزار 220 روپے توں 2 لکھ 63 ہزار 180 روپے تنخواہ تے الاؤنس مقرر کیتے گئے نیں۔ اینہاں اسامیاں اتے کلّا سالانہ بجٹ 1 کروڑ 32 لکھ 63 ہزار 840 روپے توں 1 کروڑ 89 لکھ 48 ہزار 960 روپے ہووے گا۔ جی فور سکیل دیاں 2 اسامیاں لئی ماہانہ 1 لکھ 40 ہزار توں 1 لکھ 82 ہزار روپے تنخواہ علاوہ الاؤنس مقرر کیتی گئی اے جدوں کہ اینہاں اتے کلّے سالانہ خرچے 33 لکھ 60 ہزار روپے توں 43 لکھ 68 ہزار روپے ہون گے۔ نجکاری کمیشن نے اینہاں ساریاں اسامیاں اتے بھرتیوں دا کم شروع کرن دی باضابطہ منظوری دے دتی اے۔
