حکومت نال رل کے اسلامی بینکاری لئی کم کر رہے آں، گورنر سٹیٹ بینک

کراچی (آئی این پی): گورنر سٹیٹ بینک جمیل احمد نے آکھیا اے کہ حکومت نال رل کے اسلامی بینکاری دے فروغ لئی کم کر رہے آں، باہرلے دیساں توں رقماں بھیجن والیاں نوں ہور سہولتاں دلاواں گے۔ اوہ کراچی وچ سیلانی اسلامک فورم کانفرنس نوں ورچوئل خطاب کر رہے سن۔

گورنر سٹیٹ بینک نے آکھیا کہ فری لانسرز نوں سہولتاں دین لئی کم کیتا جا رہیا اے۔ باہرلے دیساں توں رقماں بھیجن والیاں نوں ہور سہولتاں دیاں گے۔ پچھلے سال زر مبادلہ دے ذخیرے 41.6 ارب ڈالر تیکر پڄ گئے سن۔ انہوں نے اسلامی بینکاری لئی قدم چُکن دی لوڑ اتے زور دیندیاں آکھیا کہ سود (ربا) توں پاک مالی نظام ول اگے ودھ رہے آں۔ شکایتاں دے ازالے لئی خاص ہیلپ ڈیسک بنا دتا گیا اے، اسلامی بینکانوں ٹی بلز دا متبادل نظام دے دتا گیا اے۔ کانفرنس وچ علمائے کرام، معیشت دے ماہرین، جانے پچھانے بینکار، مالیاتی ماہرین، سنਅتکار، کاروباری بندے، تعلیمی اداریاں دے نمائندے تے زندگی دے وکھ وکھ شعبیاں نال تعلق رکھن والے لوکاں نے رلت کیتی۔ اسلامی مالیاتی نظام دی ودھدی ہوئی اہمیت، پاکستان دی لمے چر دی معاشی ترقی وچ اسلامی معاشی اصولاں دے کردار، مالیاتی جدت، پائیدار ترقی تے شریعت نال میل کھاندے کاروباری ماڈلاں اتے تفصیلی سیشن کروائے گئے۔