سرکاری منصوبے دی تکمیل اتے پوری ادائیگی مگروں ٹھیکیدار ہور منگ نہیں کر سکدا: سپریم کورٹ
اسلام آباد سپریم کورٹ نے قرار دتا اے کہ سرکاری منصوبے دی تکمیل مگروں بے شرط ‘نو ڈیمانڈ سرٹیفکیٹ’ جاری کرکے پوری تے آخری ادائیگی وصول کرن آلا ٹھیکیدار مگروں ودھ مالی دعوے یا ثالثی دی منگ نہیں کر سکدا۔
عدالت نے صاف آکھیا اے کہ ایہو جیہا رویہ معاہدیاں دی پکاپرانی، تجارتی یقین دہانی تے سرکاری فنڈز دی حفاظت دے اصولاں دے الٹ اے۔ چیف جسٹس یحییٰ آفریدی، جسٹس عرفان سعادت خان تے جسٹس عقیل احمد عباسی اتے مشتمل ترئے رکنی بینچ نے میسرز غلام صدیق، غلام حبیب اینڈ کمپنی (پرائیویٹ) لمیٹڈ دی سول پٹیشن رد کردیاں پشاور ہائی کورٹ دا فیصلہ بحال رکھیا اے۔
