وزیر اعظم عمراں خان دا ملک اندر15نیشنل پارکس بناون دا اعلان

اسلام آباد: وزیر اعظم عمران خان ہوراں آکھیا کہ پاکستان دی تیزی نال ودھ دی آبادی لئی ماحول دا ٹھیک ہونا بوہت ضروری اے، تے ایس حوالے نال ملک اندر آون والی نسل لئی 15نیشنل پارک بناوان دے فیصلہ دا اعلان کیتا جا رہیا اے،اوہناں نے ماحول نوں محفوظ بناون بارے تقریب نال خطاب کیتا کہ پاکستان قدرتی حسن نال مالا مال اے، تے سانوں ایس حسن نوں اُجاگر کرنا پئے گا ، اپنی زندگی اندر مری تے گلیات نوں تباہ ہندیا ویکھیا اے ، سیاحتی علاقے کھلن تو پہلاں قانون بنن گے،اوہناں آکھیا کہ 15نیشنل پارکس دا فیصلہ آون والی نسل لئی اک بوہت وڈا قدم اے ،گائیڈ لائز دیواںگے کس طرح نیشنل پارک نوں محفوظ کیتا جائے گا،نیشنل پارکس توں مقامی نوجواناں دا روٹی پانی دا سلسلہ وی چلے گا ، جد لوکاں نوں روٹی ملے گی تو آپ ہی پارکاں دی حفاظت کرن گے ،اوہناں نے افسوس دا وی اظہار کیتا کہ ساڈے معاشرے اندر ماسٹر پلان موجود نئیں جس دی وجہ نال شہر تباہ ہو رہیے نے ، ماسٹر تے ٹاؤن پلاننگ کر کے اپنے اپنے شہراں نوں بچاواں گے۔