کاروبار نوں ٹیکنالوجی تے ڈیجیٹل تبدیلی نال ہم آہنگ کرنا پئے گا، وزیر خزانہ۔

حکومت تے کاروباری برادری وچکار مزید موثر تے عملی رابطے دی لوڑ اے، کاروباری ادارے نویں کاروباری ماڈلز اپناون، پاکستان بزنس کونسل دے وفد نال گل بات۔

اسلام آباد : وزیر خزانہ محمد اورنگزیب نال پاکستان بزنس کونسل دی نومنتخب قیادت نے ملاقات کیتی جیدے وچ سرمایا کاری دے فروغ، کاروباری مسابقت تے نجی شعبے دی قیادت وچ معاشی ترقی دے امور تے گل بات کیتی گئی۔ وزیر خزانہ نے آکھیا کہ حکومت تے کاروباری برادری وچکار مزید موثر تے عملی رابطے دی لوڑ اے۔ کاروبار نوں ٹیکنالوجی تے ڈیجیٹل تبدیلی نال ہم آہنگ کرنا پئے گا جدکہ کاروباری ادارے جدید ٹیکنالوجی تے نویں کاروباری ماڈلز اپناون۔ وزیر خزانہ نے پی بی سی نوں شعبہ وار مختصر تے قابلِ عمل تحقیق تے تجاویز پیش کرن دی ہدایت کردیاں آکھیا کہ عالمی تجربات توں فیدہ چکنا تے پاکستان دیاں پالیسیاں نوں عالمی طریقہ کار نال ہم آہنگ کرنا ضروری اے۔ محمد اورنگزیب نے آکھیا کہ حکومت کاروباری سرگرمیاں تے سرمایا کاری وچ رکاوٹاں دور کرن لئی ریگولیٹری اصلاحات جاری رکھے گی۔