سابق چینی وزیرِ اعظم ژو رونگ جی 97 ورھیاں دی عمر وِچ چل بسے

بیجنگ، اسلام آباد (اے ایف پی، اے پی پی) چین دے سابق وزیرِ اعظم ژو رونگ جی 97 ورھیاں (سالاں) دی عمر وِچ چل بسے۔ سرکاری خبر رساں ادارے شنہوا دے مطابق ژو رونگ جی بیجنگ وِچ طبی علاج دے باوجود بدھ دی سویر دم توڑ گئے۔

اوہ 1998 وِچ وزیرِ اعظم بنے تے آزاد منڈی تے مبنی معاشی اصلاحات دی وجہ توں شہرت حاصل کیتی۔ ایہناں دے دور وِچ گھاٹے (خسارے) وِچ چلن والے سرکاری ادارےآں تے شہری رہائش دی نجکاری سمیت متعدد اصلاحات کیتیاں گئیاں، جیہدے نال تعمیرات تے رئیل اسٹیٹ دے شعبے وِچ تیزی آئی۔ ژو رونگ جی نے 2001 وِچ چین دی عالمی تجارتی تنظیم (ڈبلیو ٹی او) وِچ شمولیت لئی گل بات وِچ اہم کردار ادا کیتا۔ وزیرِ اعظم شہباز شریف نے ژو رونگ جی دے انتقال تے ڈونگھے (گہرے) دکھ تے افسوس دا اظہار کیتا اے۔ ایکس تے اک بیان وِچ وزیرِ اعظم نے آکھیا کہ سابق چینی وزیرِ اعظم پاکستان دے مخلص دوست سن، حکومتِ پاکستان تے عوام ولوں صدر شی جن پنگ، وزیرِ اعظم لی چیانگ، چینی عوام تے سوگوار خاندان نال دلی تعزیت دا اظہار کردا آں۔ وزیرِ اعظم نے آکھیا کہ پاکستان دکھ دی ایس گھڑی وِچ اپنے آئرن برادر چین دے غم وِچ برابر دا شریک اے۔