نادرا سروسز مزید آسان، اے ٹی ایم طرز دی مشین متعارف

اسلام آباد (آئی این پی) نادرا نے شہریاں نوں بنیادی سروسز دی فراہمی ہن مزید آسان بنا دتی۔

شناختی کارڈ بنوانا ہووے، تجدید کرانی ہووے یا فیملی رجسٹریشن سرٹیفکیٹ لینا ہووے، نادرا دے مرکزاں تے لمبیاں قطاراں تے اپنی واری دا انتظار ہن نہیں کرنا پؤے گا کیونکہ نادرا ایہوجہی مشین لے آیا اے جو وکھالی دین وِچ تاں اے ٹی ایم ورگی اے پر کام تواڈے شناختی کارڈ نال متعلق کردی اے۔ ایس مشین نوں سیلف سروس کیاسک کہندے نیں یعنی ہن ہر چھوٹے کم لئی کاؤنٹر تے جان دی لوڑ نہیں۔ نادرا ولوں متعارف کروائی گئی مشین نوں استعمال کرنا وی آسان اے، پہلاں مشین دے سامنے اپنی شناخت دی تصدیق کرو، سکرین تے مطلوبہ سروس چُنو، پھر مشین تہانوں اگلا مرحلہ دَسدی جاوے گی۔ ایس حوالے نال ترجمان نادرا سید شباحت علی نے آکھیا کہ 65 توں 70 فیصد لوک ایہناں خودکار مشیناں دے ذریعے بغیر کسے رش دے اپنا کم کرا سکدے نیں۔